Сёння адбылася цырымонія гашэння маркі "100-годдзе органаў памежнай службы Беларусі"

Друкаваная версія
10.01.2018

10 студзеня, Мінск / Кар. БЕЛТА /. Святочныя мерапрыемствы да 100-годдзя органаў пагранічнай службы пачаліся з гашэння адмысловай маркі, перадае карэспандэнт БЕЛТА. Цырымонію гашэння маркі "100-годдзе органаў пагранічнай службы Беларусі" правялі сёньня старшыня Дзяржпагранкамітэта Анатоль Лапо і міністр сувязі і інфарматызацыі Сяргей Папкоў. Кіраўнік пагранічнага ведамства адзначыў, што гэта першае мерапрыемства, прымеркаванае да 100-годдзя органаў пагранічнай службы. "Гэтая марка да святкавання юбілею 28 мая разляціцца па ўсім свеце, ёю скарыстаюцца філатэлісты ўсяго ж на працягу года падобных святочных падзей будзе шмат.", - сказаў Анатоль Лапо. Ён таксама дадаў, што да 100-годдзя ведамства ўжо падрыхтаваны і зацверджаны Прэзідэнтам юбілейны медаль.

Міністр сувязі і інфарматызацыі Сяргей Папкоў у сваю чаргу падкрэсліў, што выпуск паштовай маркі да 100-годдзя пагранічнай службы - гэта знакавае мерапрыемства, такія падзеі заўсёды адзначаюцца выпускам мастацкіх вырабаў у мініяцюры. Ён таксама адзначыў узаемадзеянне двух ведамстваў. "Мінсувязі садзейнічала і будзе садзейнічаць далейшаму развіццю інжынернай інфраструктуры мяжы, што дазволіць у поўнай меры забяспечыць абарону мяжы краіны, мір і спакой нашых грамадзян. У рамках дзяржпраграмы па лічбавай эканоміцы мы сур'ёзна ўзаемадзейнічаем па пытаннях інжынернага ўладкавання нашых межаў, і гэта ўзаемадзеянне будзе працягнута" , - сказаў міністр.
Паштовы праект, які складаецца з мастацкай маркі, канверта "Першы дзень" і спецыяльнага памятнага штэмпеля быў падрыхтаваны Міністэрствам сувязі і інфарматызацыі, прадпрыемствам "Белпошта" у супрацоўніцтве з Дзяржаўным пагранічным камітэтам Беларусі. Дызайн - Таццяны Кавалёвай, наклад маркі склаў 72 тыс.
Пагранічнае ведамства і Мінсувязі супрацоўнічае на працягу многіх гадоў. Дзякуючы міністэрству забяспечана стабільнае фінансаванне будаўніцтва новых аб'ектаў інтэграванай аховы Дзяржаўнай мяжы, якія абсталёўваюцца перадавымі і эфектыўнымі тэхнічнымі сродкамі. Сёння ўсе аб'екты органаў пагранічнай службы, якія знаходзяцца на значнай адлегласці адзін ад аднаго, аб'яднаныя шырокапалоснай устойлівай сеткай перадачы дадзеных. Агульнай працай два ведамстваў значна ўзмацнілася прысутнасць аператараў паслуг электрасувязі ў пагранічных раёнах. Многія работнікі сувязі, якія жывуць у памежжы, актыўна ўдзельнічаюць у ахове мяжы, з'яўляюцца членамі добраахвотных дружын.
Стагоддзе пагранічнай службы ў Беларусі адзначаць 28 мая. У гэты дзень у 1918 году дэкрэтам Савета Народных Камісараў была заснаваная пагранічная ахова мяжы РСФСР. Менавіта гэта дата з'яўляецца кропкай адліку сваёй гісторыі для беларускіх пагранічнікаў
Крыніца: БелТА