Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «Спас Нерукатворны. XIX ст.» з серыі «Іканапіс Беларусі»

12 верасня 2023 года Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «Спас Нерукатворны. XIX ст.» з серыі «Іканапіс Беларусі».

Дызайн Яўгеніі Бядонік. Фота Аксаны Кнаус.

Марка друкавалася ў РУП «Бабруйская ўзбуйненая друкарня імя А.Ц. Непагодзіна».

Царква ў імя Святога дабравернага вялікага князя Аляксандра Неўскага ў Мінску пабудавана ў 1898 годзе па праекце архітэктара В.І. Струева. З’яўляецца храмам-помнікам у гонар загінуўшых воінаў – удзельнікаў Руска-турэцкай вайны 1877 – 1878 гадоў.
Асабліва шануецца абраз «Спас Нерукатворны», напісаны на палатне вядомым рускім мастаком М.М. Ге. Абраз быў ахвяраваны храму прыхаджанкай у пачатку XX стагоддзя.

Праект падрыхтаваны ў супрацоўніцтве з Беларускай Праваслаўнай Царквой.

У дзень выпуску паштовай маркі ў абарачэнне на паштамце Мінска будзе праводзіцца спецыяльнае гашэнне на канверце «Першы дзень».