З 4 па 8 верасня 2019 года ў Брэсце пройдзе X Нацыянальная філатэлістычная выстава «Белфіла-2019».
Выстава прысвечана 1000-годдзю першай пісьмовай згадкі Брэста.
Экспазіцыя арганізавана Міністэрствам сувязі і інфарматызацыі Рэспублікі Беларусь, рэспубліканскім унітарным прадпрыемствам паштовай сувязі «Белпошта», Брэсцкім гарадскім выканаўчым камітэтам, грамадскім аб'яднаннем «Беларускі саюз філатэлістаў».
У арганізацыі мерапрыемства таксама прынялі актыўны ўдзел Міністэрства культуры Рэспублікі Беларусь, Міністэрства інфармацыі Рэспублікі Беларусь, Нацыянальны мастацкі музей Рэспублікі Беларусь.
На гэтай выставе прадстаўлена 146 калекцый з 16 краін - Бразіліі, Германіі, Ізраіля, Ірландыі, Партугаліі, ЗША і іншых.
Нацыянальная філатэлістычная выстава «Белфіла» праводзіцца ў Беларусі ўжо ў дзясяты раз. Упершыню яна адбылася ў Магілёве (1999 г.), затым у Гродна (2000, 2006), Мінску (2002, 2004 г., 2009 г., 2015, 2017 г.) Гомелі (2011 г.).
Паштовыя адміністрацыі розных краін з'яўляюцца традыцыйнымі ўдзельнікамі беларускіх нацыянальных выстаў. Так, Афіцыйны клас прадстаўлены 7 рознапланавымі экспазіцыямі.
Экспазіцыя беларускай пошты прадэманструе ўсе этапы стварэння паштовай прадукцыі, прымеркаванай да 1000-годдзя першага пісьмовага згадвання Брэста.
Калекцыі Конкурснага класа (62 экспаната) будзе ацэньваць кваліфікаванае журы.
Асноўная задача X Нацыянальнай філатэлістычнай выставы «Белфіла-2019» - прыцягненне ўвагі грамадскасці да пытанняў развіцця філатэліі ў рэспубліцы. Менавіта таму радуе актыўны ўдзел у выставе дзяцей і моладзі: у юнацкім класе будуць прадстаўлены 22 калекцыі: група А (да 15 гадоў уключна) - 11 калекцый; група Б (16-18 гадоў) - 5 калекцый; група В (19-21 год) - 6 калекцый.
Да адкрыцця Х Нацыянальнай філатэлістычнай выставы беларуская пошта падрыхтавала паштовы блок, канверт Першага дня і спецыяльны штэмпель «1000 гадоў з часу першай пісьмовай згадкі Брэста », а таксама мастацкі маркіраваны канверт і памятны штэмпель «Х Нацыянальная філатэлістычная выстава "Белфіла-2019" ».
Выстаўка "Белфіла-2019» будзе праходзіць у памяшканні кінатэатра «Беларусь» (Г. Брэст, вул. Савецкая, 62).
