Камісія ААН апублікавала справаздачу пад назвай «Стан шырокапалоснай сувязі 2016»

Справаздача апісвае распаўсюджванне шырокапалоснага злучэння па выніках 2015 года ў 191 краіне.

Рэспубліка Беларусь па паказчыку фіксаванага шырокапалоснага інтэрнэту (на кожныя 100 жыхароў) знаходзіцца на выніковым 23 месцы (у 2014 годзе 25) са значэннем паказчыка роўным 31,35 (у 2014 годзе 28,8). Расійская Федэрацыя займае 55 месца (18,77), Казахстан - 72 (13,05). На першым месцы рэйтынгу - Манака (47,47).

Гэты даклад - шостая справаздача Камісіі, якая публікуецца штогод. У склад Камісіі па шырокапалоснай сувязі ўваходзяць каля 50 лідэраў з розных краін, кожны з якіх прадстаўляе розныя сектары - дзяржаўны, прыватны, грамадзянскі. Камісія адсочвае прагрэс і дапамагае краінам, няўрадавым арганізацыям і экспертам міжнародных арганізацый выкарыстоўваць ІКТ-патэнцыял для распрацоўкі нацыянальных стратэгій у энергетыцы, адукацыі, ахове здароўя і іншых сферах жыцця.

На думку аўтараў дакладу, лічбавы разрыў у доступе да інтэрнэту - асноўная перашкода, якая перашкаджае пашырэнню правоў, павелічэнню шанцаў атрымаць адукацыю, павышэнню інфармаванасці, канкурэнтаздольнасці, магчымасці прыцягваць замежныя інвестыцыі і дасведчаных спецыялістаў. Аднак аўтары справаздачы настроены аптымістычна. Па іх прагнозах, колькасць карыстальнікаў інтэрнэту імкнецца да павелічэння. Калі ў 2015 годзе 3,2 млрд чалавек у свеце мелі доступ да Сеткі, то па планах Камісіі, да канца 2016 года падлучаныя да інтэрнэту будуць 3,5 млрд чалавек - або 47% сусветнага насельніцтва.

Па прагнозах Камісіі, у краінах у стадыі развіцця ўзровень пранікнення інтэрнэту да канца 2016 года складзе 40% (леташні паказчык - 24%), у найменш развітых краінах - 15%. Камісія паставіла сабе за мэту дасягнуць таго, каб 60% людзей у свеце мелі доступ да інтэрнэту (50% у краінах, якія развіваюцца і 15% у найменш развітых). Аднак на гэта патрабуецца нямала гадоў - пры цяперашніх тэмпах росту мэта наўрад ці будзе дасягнута раней 2021 года.