Міністр сувязі і інфарматызацыі прыняў удзел у адкрыцці спецыялізаванага цэнтра фехтавання ў Гродна

Друкаваная версія
25.02.2019

25 лютага ў Гродна адкрыўся спецыялізаваны Цэнтр фехтавання.

Ва ўрачыстай цырымоніі адкрыцця прынялі ўдзел міністр сувязі і інфарматызацыі Рэспублікі Беларусь, старшыня назіральнага савета грамадскага аб'яднання «Беларуская рэспубліканская федэрацыя фехтавання» Канстанцін Шульган, старшыня Гродзенскага абласнога Савета дэпутатаў Ігар Жук, старшыня грамадскага аб'яднання «Беларуская рэспубліканская федэрацыя фехтавання» Аляксей Аўсянкін, дырэктар Гродзенскага філіяла РУП «Белтэлекам» Віктар Мацвееў, дырэктар Гродзенскага філіяла РУП «Белпошта» Іван Пратасевіч.

Міністр сувязі і інфарматызацыі і старшыня Гродзенскага абласнога Савета дэпутатаў разрэзалі традыцыйную стужачку і выказалі ўпэўненасць у тым, што стварэнне камфортных умоў для падрыхтоўкі дасць у далейшым вынік у годным выступленні спартсменаў на самым высокім узроўні.

На свяце вучні аддзяленняў фехтавання на шпагах, рапірах і шаблях паказалі сваё майстэрства, падрыхтаваўшы для ганаровых гасцей паказальныя выступленні.

У Гродзенскай вобласці фехтаванне развіваецца ў двух спецыялізаваных вучэбна-спартыўных установах: Гродзенскай дзіцяча-юнацкай спартыўнай школе № 9, Гродзенскай абласной спецыялізаванай дзіцяча-юнацкай школе алімпійскага рэзерву прафсаюзаў «Альянс», а таксама ў Гродзенскім абласным комплексным цэнтры алімпійскага рэзерву.

У вобласці прафесійна займаюцца фехтаваннем 266 спартсменаў. Працуюць з імі 12 трэнераў-выкладчыкаў. На ўсіх афіцыйных рэспубліканскіх спаборніцтвах гродзенскія спартсмены займаюць прызавыя месцы ва ўсіх відах зброі. Дарэчы, фехтавальшчыкі рэгіёну заўсёды знаходзіліся на вядучых пазіцыях у нацыянальнай камандзе Рэспублікі Беларусь. Многія спартсмены не аднойчы прадстаўлялі краіну на чэмпіянатах свету і Еўропы.