Распрацавана мабільнае прыкладанне «МНС Беларусі: дапамога побач»

Друкаваная версія
27.07.2016

Міністэрства па надзвычайных сітуацыях распрацавала мабільнае прыкладанне «МНС Беларусі: дапамога побач». У цяперашні час дадзены праграмны прадукт даступны для запампоўкі ўсім уладальнікам смартфонаў і планшэтаў на базе аперацыйнай сістэмы Android.
«МНС Беларусі: дапамога побач» уключае ў сябе некалькі раздзелаў і функцый, у тым ліку своечасовае апавяшчэнне аб неспрыяльных і небяспечных з'явах, заснаваных на папярэджаннях ДУ «Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя». На спецыяльнай карце акрамя з'яў і рэгіёнаў, дзе яны чакаюцца, даступныя рэкамендацыі ад МНС па дзеяннях у такіх абставінах.
З любой старонкі прыкладання даступная спецыяльная кнопка званка ў МНС «112». Прадугледжана магчымасць не толькі злучэння з МНС, але і адпраўкі смс або званкоў на зададзены нумар - напрыклад, лекара ці родным. Гэта дазваляе звязацца ў экстраных выпадках з патрэбным чалавекам любому грамадзяніну, у тым ліку людзям з рознымі захворваннямі.У дадатку таксама прысутнічае раздзел «Правер сябе», які дазваляе ў рэжыме тэстаў праверыць уласныя веды па розных тэмах. Акрамя таго, у выпадку маштабнай НС прыроднага характару магчымая актывізацыя для карыстальнікаў дадатковай часткі «Паведаміць аб НС».
Больш падрабязная інфармацыя аб прыкладанні, а таксама спасылка для ўстаноўкі даступная па кароткім адрасе 112.by/app або GooglePlayMarket.