29 жніўня 2019 года Міністэрства сувязі і інфарматызацыі Рэспублікі Беларусь выпускае ў абарачэнне дзве паштовыя маркі з серыі «Традыцыйныя музычныя інструменты беларусаў». Маркі друкаваліся таксама ў малым лісце. Дызайн Я.Бядонік. Маркі друкаваліся ў РУП «Бабруйская ўзбуйненая друкарня імя А.Ц.Непагодзіна». Лютня – старажытны струнны шчыпковы музычны інструмент. Мае выпуклы, авальны кузаў, кароткую шыйку з грыфам, адагнутую назад галоўку з гарызантальна размешчанымі калкамі для нацягвання струн, плоскую драўляную дэку з рэзанатарнай адтулінай, упрыгожанай разеткамі. Дуда – беларускі народны аэрафонны язычковы музычны інструмент (від валынкі) з рэзервуарам для паветра, з адзінарнай трасцінай і бурдонам. Да сярэдзіны ХХ ст. шырока выкарыстоўвалася для акампанементу танцам і абрадам. Праект падрыхтаваны пры садзейнічанні Нацыянальнай бібліятэкі Беларусі, Дзяржаўнага музея гісторыі тэатральнай і музычнай культуры, майстра Дубнавіцкага Ю.А. У дзень выпуску паштовых марак у абарачэнне ў аддзяленні паштовай сувязі № 1 Мінска (магазін «Філатэлія», вул. Маскоўская, 16) будзе праводзіцца спецыяльнае гашэнне на канверце «Першы дзень». Да выпуску падрыхтаваны карткі для картмаксімумаў. Дызайн Я.Бядонік. ДрукPDF