Саветам Мiнiстраў Рэспублiкi Беларусь прынята пастанова ад 20 снежня 2019 г. № 881 "Аб змяненні пастаноў Савета Міністраў Рэспублікі Беларусь па пытаннях электрасувязі».
Прынятыя змяненні накіраваны на спрашчэнне дзейнасці суб'ектаў гаспадарання ў галіне электрасувязі, і ўключаюць у сябе:
адмену правядзення вымярэнняў ў поўным аб'ёме пры далучэнні сеткі электрасувязі ў выпадку змены толькі назвы і месца знаходжання ўласніка (уладальніка) далучаемай сеткі электрасувязі альбо сеткі перадачы даных;
устанаўленне бестэрміновага тэрміну дзеяння дазволу на далучэнне сеткі электрасувязі і на эксплуатацыю галаўной станцыі сістэмы кабельнага тэлебачання;
выключэнне неабходнасці атрымання дазволу выканкама пры будаўніцтве абаненцкіх ліній сувязі і ўводу іх у эксплуатацыю.
Таксама устанаўліваецца, што эксплуатацыя галаўной станцыі сістэмы кабельнага тэлебачання ажыццяўляецца пры наяўнасці дазволу на эксплуатацыю галаўной станцыі сістэмы кабельнага тэлебачання.
Пастановай, у тым ліку, урэгуляваны асобныя пытанні ўзгаднення праектавання, будаўніцтва і ўводу ў эксплуатацыю оптавалакновых ліній сувязі, а таксама ўнесены іншыя змены ў пастановы Савета Міністраў Рэспублікі Беларусь у мэтах іх прывядзення ў адпаведнасць з Указам Прэзідэнта Рэспублікі Беларусь ад 18 верасня 2019 г. № 350 «Аб асаблівасцях выкарыстання нацыянальнага сегмента сеткі Інтэрнэт».
