Міністэрства сувязі і інфарматызацыі Рэспублікі Беларусь выпускае ў абарачэнне памятны спецштэмпель, які будзе выкарыстоўвацца 11 ліпеня 2019 года для правядзення спецыяльнага памятнага гашэння, прымеркаванага да пасяджэння Міждзяржаўнага савета па супрацьдзеянні карупцыі. Месца гашэння – Мінск-1. Колер масцікі – сіні. Міждзяржаўны савет па супрацьдзеянні карупцыі з’яўляецца органам галіновага супрацоўніцтва Садружнасці Незалежных Дзяржаў і прызначаны ў рамках сваёй кампетэнцыі для забеспячэння арганізацыі і каардынацыі процідзеяння карупцыі. На пасяджэннях Савета разглядаюцца пытанні ўдасканалення нарматыўнай прававой базы і каардынацыі дзейнасці бакоў у рамках рэалізацыі сумесных праектаў дзяржаў – удзельніц СНД у барацьбе з карупцыяй. У аснове спецштэмпеля і на канверце – эмблема Генеральнай пракуратуры Рэспублікі Беларусь, на канверце таксама – эмблема СНД. Праект падрыхтаваны ў супрацоўніцтве з Генеральнай пракуратурай Рэспублікі Беларусь. Да гэтай падзеі РУП «Белпошта» падрыхтавала мастацкі маркіраваны канверт з літарнай маркай «А». Дызайн спецштэмпеля і канверта Таццяны Кузняцовай. ДрукPDF