Рабочая сустрэча Міністра сувязі і інфарматызацыі Рэспублікі Беларусь і Генеральнага сакратара Міжнароднага саюза электрасувязі

Друкаваная версія
16.11.2016

16 лістапада ў г. Бангкоку (Тайланд) адбылася рабочая сустрэча Міністра сувязі і інфарматызацыі Рэспублікі Беларусь С. П. Папкова і Генеральнага сакратара Міжнароднага саюза электрасувязі Хоуліня Чжао, у ходзе якой бакі абмеркавалі актуальныя пытанні ўзаемадзеяння Рэспублікі Беларусь і Міжнароднага саюза электрасувязі ў галіне развіцця інфармацыйна -камунікацыйных тэхналогій.

Акрамя таго, падчас сустрэчы Міністр сувязі і інфарматызацыі і Генеральны сакратар Міжнароднага саюза электрасувязі падпісалі Пагадненне паміж Міністэрствам сувязі і інфарматызацыі Рэспублікі Беларусь і Міжнародным саюзам электрасувязі аб аказанні Міжнароднаму саюзу электрасувязі дапамогі ў правядзенні вымярэнняў, звязаных з выпадкамі шкодных перашкод, у дачыненні да якіх тая ці іншая адміністрацыя звяртаецца за дапамогай да Міжнароднага саюзу электрасувязі.

Падпісанае пагадненне паміж Міністэрствам сувязі і інфарматызацыі Рэспублікі Беларусь і Міжнародным саюзам электрасувязі стварае прававыя асновы выкарыстання па запыце Міжнароднага саюза электрасувязі магчымасцяў беларускай зямной станцыі кантролю выпраменьванняў для кантролю за выпраменьваннямі спадарожнікаў у выпадку наяўнасці шкодных перашкод, устанаўлення адпаведнасці інфармацыі аб частотных прысваеннях спадарожнікаў, занесенай у Міжнародны даведачны рэгістр Міжнароднага саюза электрасувязі, фактычнаму выкарыстанню спектру.

Пагадненнем прадугледжваецца аплата выкарыстання магчымасцяў беларускай зямной станцыі кантролю выпраменьванняў пры адпрацоўцы заказаў Міжнароднага саюза электрасувязі.
 
Заключанае пагадненне і ўключэнне ў міжнародную сетку станцый маніторынгу беларускай зямной станцыі кантролю выпраменьванняў будзе спрыяць павышэнню прэстыжу Рэспублікі Беларусь, як касмічнай дзяржавы, умацаванню кантактаў з Міжнародным саюзам электрасувязі, актыўным уцягванні Рэспублікі Беларусь у міжнародную супольнасць адміністрацый сувязі і аператараў спадарожнікавай сувязі, якая традыцыйна выступае за ўдасканаленне рэгулявання арбітальны-частотнага рэсурсу і павышэнне эфектыўнасці яго выкарыстання.