19 лістапада ў рамках афіцыйнага візіту ў Мінск прэзідэнта Азербайджана ў Палацы Незалежнасці адбылася цырымонія гашэння сумеснай паштовай маркі, прысвечанай 25-годдзю ўстанаўлення дыпламатычных адносін паміж Азербайджанам і Беларуссю. Аляксандр Лукашэнка і Ільхам Аліеў паставілі на марках адбіткі спецыяльных штэмпеляў - беларускага і азербайджанскага - і падпісалі канверты. Мастацкай асновай паштовых марак сталі дзяржаўныя гербы Рэспублікі Беларусь і Азербайджанскай Рэспублікі, а на канвертах Першага дня - дзяржаўныя сцягі і нацыянальныя арнаменты дзвюх краін. На купоне паказаны ўнікальныя помнікі архітэктуры і абарончага дойлідства - беларуская Камянецкая вежа і азербайджанская Дзявоцкая вежа. Раней былі ажыццёўлены сумесныя паштовыя выпускі дзвюх дзяржаў: «Музычныя інструменты» (2011); «Народныя танцы» (2013); «20-годдзе ўсталявання дыпламатычных адносін паміж Рэспублікай Беларусь і Азербайджанскай Рэспублікай» (2013); «Космас на службе IT-тэхналогій» (2015); «Рэдкія птушкі. Арлы» (2016). Фота belta.by , РУП «Белпошта» Падрабязней аб паштовым праекце на сайце РУП «Белпошта» ДрукPDF