РУП “Белпошта” 26-ы раз праводзіць нацыянальны этап Міжнароднага маладзёжнага конкурсу сачыненняў эпісталярнага жанру, які праводзіцца пад эгідай Сусветнага паштовага саюза (СПС). Кожны год у ім прымаюць удзел больш за 1500 сачыненняў з усіх куткоў Беларусі.

Форум МСЭ "Разумныя ўстойлівыя гарады: сацыяльныя, эканамічныя і кіраўнічыя складнікі" пройдзе з 15 па 17 лютага ў Мінску на пляцоўцы Міжнароднага цэнтра камутацыі РУП "Белтэлекам", размешчанага па адрасе: Мінск, вул. Захарава, 55.

Прэзідэнт Беларусі Аляксандр Лукашэнка 20 студзеня падпісаў указ №14 "Аб прызначэнні рэспубліканскага рэферэндуму", паведамілі БЕЛТА ў прэс-службе кіраўніка дзяржавы.

У адпаведнасці з дакументам рэспубліканскі рэферэндум па пытанні ўнясення змяненняў і дапаўненняў у Канстытуцыю Рэспублікі Беларусь прызначаны на 27 лютага 2022 года.

Указам вызначана фармулёўка вынесенага на рэферэндум пытання, якая даслоўна прайграваецца ў бюлетэні для галасавання: "Ці прымаеце вы змены і дапаўненні Канстытуцыі Рэспублікі Беларусь?"

1 лютага 2022 года Міністэрства сувязі і інфарматызацыі Рэспублікі Беларусь выпускае ў абарачэнне канверт з арыгінальнай маркай «Жывапіс. М.А.Савіцкі».

Працяг серыі. Пачатак – канверты № 109, 110, 113, 115, 116, 123, 124, 129, 131, 133, 135, 137, 143, 145, 147, 149, 150, 151, 156, 160.

Савіцкі Міхаіл Андрэевіч (18.02.1922, аг. Звянячы Талачынскага р-на Віцебскай вобл. – 08.11.2010) – беларускі жывапісец, педагог. Народны мастак БССР (1972) і СССР (1978). Правадзейны сябра АМ СССР (1983). Акадэмік НАН Беларусі (1995). Герой Беларусі (2006).

26 студзеня 2022 года Міністэрства сувязі і інфарматызацыі Рэспублікі Беларусь выпускае ў абарачэнне канверт з арыгінальнай маркай «Орша – культурная сталіца Беларусі 2022 года».

Мастак Т.Дольская. Дызайн М.Віткоўскай.

На канверце: Храм святога прарока Ільі, комплекс Езуіцкага калегіума, этнаграфічны музей «Млын», герб горада.

На марцы: помнік У.С.Караткевічу, аршанскі музей У.С.Караткевіча.

18 студзеня 2022 года Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «Год Тыгра» з серыі «Усходні каляндар». Паштовая марка «Год Тыгра» працягвае серыю выпускаў па тэматыцы «Усходні каляндар». Праект падрыхтаваны ў супрацоўніцтве з Рэспубліканскім інстытутам кітаязнаўства імя Канфуцыя Беларускага дзяржаўнага ўніверсітэта.

Мастак В.Чайчук. Дызайн Я.Бядонік.

12 студзеня 2022 года Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «30-годдзе ўсталявання дыпламатычных адносін паміж Рэспублікай Беларусь і Кітайскай Народнай Рэспублікай». Праект падрыхтаваны ў супрацоўніцтве з Міністэрствам замежных спраў Рэспублікі Беларусь. У дзень выпуску паштовай маркі ў абарачэнне на паштамце Мінска будзе праводзіцца спецыяльнае гашэнне на канверце «Першы дзень».

Прэзідэнтам Рэспублікі Беларусь Лукашэнка А. Р. падпісаны ўказ № 1, згодна з якім у мэтах фарміравання аб'ектыўнага стаўлення грамадства да гістарычнага мінулага, захавання і ўмацавання адзінства беларускага народа 2022 год у Беларусі аб'яўлены Годам гістарычнай памяці.

Ураду даручана з удзелам Генеральнай пракуратуры, Нацыянальнай акадэміі навук Беларусі, аблвыканкамаў, Мінскага гарвыканкама распрацаваць і зацвердзіць рэспубліканскі план мерапрыемстваў па правядзенні ў 2022 годзе года гістарычнай памяці.

27 декабря 2021 г. на всенародное обсуждение вынесен проект изменений и дополнений Конституции Республики Беларусь.

С проектом изменений и дополнений Конституции Республики Беларусь можно ознакомиться здесь.

Мнения граждан относительно содержания проекта изменений и дополнений, а также возможные предложения по его совершенствованию направляются в Национальный центр правовой информации.

21 снежня 2021 года Міністэрства сувязі і інфарматызацыі Рэспублікі Беларусь выпускае ў абарачэнне паштовую марку «25-годдзе ўсталявання дыпламатычных адносін паміж Рэспублікай Беларусь і Суверэнным ваенным ордэнам гаспітальераў Святога Іаана Іерусалімскага Родаса і Мальты».
Дызайн С.Цырулік. Праект падрыхтаваны ў супрацоўніцтве з Міністэрствам замежных спраў Рэспублікі Беларусь.

Дыпламатычныя адносіны паміж Рэспублікай Беларусь і Суверэнным ваенным ордэнам гаспітальераў Святога Іаана Іерусалімскага Родаса і Мальты ўстаноўлены ў 1996 годзе.