У суботу, 10 лістапада 2018 года, з 9.00 да 12.00 будуць праведзены «прамыя тэлефонныя лініі»:

першым намеснікам Міністра сувязі і інфарматызацыі Шэдко Дзмітрыем Генадзевічам па тэлефоне + 375 (17) 287-87-06;

намеснікам генеральнага дырэктара па камерцыйных пытаннях РУП «Белтэлекам» Туромшай Сяргеем Валер'евічам па тэлефоне +375 (17) 327-19-19;

Генеральным дырэктарам РУП «Белпошта» Матусевічам Уладзімірам Уладзіміравічам па тэлефоне +375 (17) 293-59-14.

Міністр сувязі і інфарматызацыі Рэспублікі Беларусь Канстанцін Шульган прымаў удзел у 20-й Паўнамоцнай канферэнцыі Міжнароднага саюза электрасувязі, якая праходзіць у перыяд з 29 кастрычніка па 16 лістапада 2018 года ў г. Дубай (Аб'яднаныя Арабскія Эміраты).

У рамках удзелу ў Паўнамоцнай канферэнцыі Міністр адказаў на пытанні Максіміліяна Джейкабсан-Гансалеса з Міжнароднага саюза электрасувязі.

З поўнай версіяй інтэрв'ю можна азнаёміцца https://youtu.be/Awo8PwIXc6Q

25-29 кастрычніка ў рамках падрыхтоўкі да сусветнага конкурсу прафесійнага майстэрства WorldSkills-2019, у г. Куньмін (Кітай) праводзіліся навучальныя трэнінгі і адкрытыя рэгіянальныя спаборніцтвы па кампетэнцыі "Інфармацыйныя кабельныя сеткі",
на якіх каманда Установы адукацыі "Беларуская дзяржаўная акадэмія сувязі" у складзе Арцёменка Валянціна (студэнта гр.СП641, удзельнік) і Хадасевіча Алега (трэнер) заваявалі бронзавы медаль.

У спаборніцтвах прынялі ўдзел 10 каманд з сямі краін. Першае месца заваявала каманда Расіі, другое - у першай каманды Кітая.

Віншуем!

Выплата пенсій (дапамог) у аддзяленнях паштовай сувязі РУП «Белпошта», прызначаных на 7 лістапада 2018 года, будзе ажыццяўляцца загадзя наступным чынам:

з 5 лістапада у аддзяленнях паштовай сувязі (АПС) г. Віцебска, г. Магілёва і г.Мінска;
6 лістапада ва ўсіх АПС Брэсцкай, Віцебскай, Гомельскай, Гродзенскай, Мінскай і Магілёўскай абласцей.

7 лістапада 2018 года будуць працаваць толькі дзяжурныя аддзяленні паштовай сувязі.

2 лістапада 2018 года Міністэрства сувязі і інфарматызацыі Рэспублікі Беларусь выпусціла ў абарачэнне паштовы блок «Экспарт беларускай прадукцыі», наклад якога склаў 20 тысяч. Праект падрыхтаваны ў супрацоўніцтве з Міністэрствам замежных спраў Рэспублікі Беларусь. Дызайн паштовага блока, спецштэмпеля і канверта «Першы дзень» Яўгеніі Бядонік.
 
У дзень выпуску паштовага блока ў абарачэнне ў аддзяленні паштовай сувязі № 1 Мінска (крама «Філатэлія», вул. Маскоўская, 16) будзе праводзіцца спецыяльнае гашэнне на канверце «Першы дзень».

Міністр сувязі і інфарматызацыі Рэспублікі Беларусь Шульган Канстанцін Канстанцінавіч правёў 2 лістапада 2018 года прадметныя перамовы з Генеральным сакратаром Міжнароднага саюза электрасувязі Хоулінем Чжао па актуальных пытаннях, звязаных з перспектыўнымі напрамкамі развіцця інфармацыйна-камунікацыйных тэхналогій і ўмацаваннем узаемадзеяння Рэспублікі Беларусь з гэтай міжнароднай спецыялізаванай арганізацыяй сістэмы ААН.

Дэлегацыя Рэспублікі Беларусь, якую ўзначальвае Міністрам сувязі і інфарматызацыі Шульган Канстанцін Канстанцінавіч, прымае ўдзел у 20-й Паўнамоцнай канферэнцыі Міжнароднага саюза электрасувязі 2018 года, якая праходзіць у перыяд з 29 кастрычніка па 16 лістапада 2018 года ў г. Дубай (Аб'яднаныя Арабскія Эміраты).

Сёння 1 лістапада 2018 года, адбыліся выбары вышэйшага кіраўніцтва Міжнароднага саюза электрасувязі - Генеральнага сакратара і намесніка Генеральнага сакратара на чарговы чатырохгадовы тэрмін.

30 кастрычніка 2018 года пад старшынствам Міністра сувязі і інфарматызацыі Рэспублікі Беларусь Шульгана К.К. адбылося пасяджэнне Грамадска-кансультацыйнага (экспертнага) савета па развіцці прадпрымальніцтва пры Міністэрстве сувязі і інфарматызацыі Рэспублікі Беларусь (Грамадскі савет).

Суботняя «прамая тэлефонная лінія» будзе праведзена намеснікам міністра сувязі і інфарматызацыі Гардзеенка Наталляй Міхайлаўнай з 9.00 да 12.00 3 лістапада 2018 г., тэл. 375 (17) 287-87-06.

Звяртаем Вашу ўвагу, што ў адпаведнасці з заканадаўствам аб зваротах пры звароце на "прамую тэлефонную лінію" неабходна ўказваць П.І.І. па бацьку і дадзеныя аб месцы жыхарства і/ці працы/вучобы.

КАМУНІКАЦЫІ
• Прэзідэнт Беларусі Аляксандр Лукашэнка 2 кастрычніка прыняў міністра сувязі і інфарматызацыі Канстанціна Шульгана з дакладам па прапанаваным праекце Указа «Аб кіраванні выкарыстаннем радыёчастотнага спектру»
• РСС: прыярытэтныя задачы лічбавага развіцця